1950 වසරේදී හොලිවුඩ්හි ජනප්‍රියම රාත්‍රී සමාජ ශාලාවක් වූ "The Mocambo" හී ගී ගැයීමට ජෑස් ගායිකාවක් වූ Ella Fitzgerald හට අවස්තාව නොලැබුනේ ඇය කළු ජාතික කාන්තාවක් වූ බැවිනි. ඇගේ රසිකාවියක් වූ Marilyn Monroe එවිට ඒ සමාජශාලාවේ අයිතිකරුට කතා කොට, එලාට ගී ගැයීමට එහි අවස්තාව දුන්නොත්, තමා ඒ සෑම රාත්‍රියකම ඒ ගී ඇසීමට එහි පැමිණෙන බවට පොරොන්දු වූවාය. මැරිලින්ගේ පැමිණීමම විශාල මාධ්‍ය අවධානයක් ලැබෙන සිද්ධියක් නිසාම The Mocambo අයිතිකරු ඊට කැමති විය. ඒ අනුව එලා එහි ගී ගැයූ අතර, සෑම රාත්‍රියකම මැරිලින් පැමිණ ඉදිරි අසුනකම සිට ඒ ගී රස වින්දාය.
"එදායින් පස්සෙ මට පොඩි පොඩි ජෑස් ක්ලබ් වල සින්දු කියන්න උන් නෑ... ඇය අමුතුම කාන්තාවක්. ඇය ජීවත් වුනේ ඇගේ කාලයට වඩා පොඩ්ඩක් ඉදිරියෙන්. හැබැයි ඇයවත් ඒක දැනන් හිටියේ නෑ..." එලා පැවසුවාය.
වර්තමානයේ එලා ෆිට්ස්ජෙරල්ඩ්, 'ජෑස් සංගීතයේ රැජින' ලෙස විරුදාවලි ලබා ඇත...
(ඡායාරූප හා විස්තර: Historical Pictures පිටුව ඇසුරිනි.)
No comments:
Post a Comment